Ǵarıfolla Qurmanǵalıevtiń 100 jyldyq mereıtoıyna arnalǵan saltanatty kesh ótti
ALMATY. Qazannyń 27-si. QazAqparat /Ádilet Musahaev/ - Keshe Almatyda Qazaq KSR-nyń halyq ártisi, Memlekettik syılyqtyń laýreaty Ǵarıfolla Qurmanǵalıevtiń 100 jyldyq mereıtoıyna arnalǵan saltanatty án keshi ótti,
dep habarlaıdy QazAqparat.
Kesh barysynda Almaty qalasy ákiminiń orynbasary Serik Seıdýmanov ánshiniń eren eńbekteri jaıynda sóz qozǵap, shyǵarmashylyǵyna toqtalyp ótti.
«Kórnekti, erekshe ánshi Ǵarıfollaǵa 100 jyl tolyp otyr, sol júz jyl boıy umytylmaı kele jatqan ásem án bar. Biz ǵashyq bolsaq Muhıttyń Aınamkózin aıtamyz, ómirden ótkenderge onyń Záýreshin oınap attandyramyz. Sondyqtan Muhıt mektebi bul qazaq mýzyka tarıhyndaǵy jan-jaqty mektep, sonyń ǵajaıyp oryndaýshysy Ǵarekeń. Ánshiniń týǵan jeri Jaıyq óńirinde ánshiniń 100 jyldyǵy jaqsy ótti. Oǵan arnap kóshe aty berilip, dombyra ustaǵan ánshiniń eskertkishi ornatyldy. Sondaı-aq mýzyka fılarmonııasy ashylyp, onda ánshiniń shákirtteri sabaq beredi», dedi aqyn, Halyqaralyq "Alash" syılyǵynyń laýreaty, «Qurmet» ordeniniń ıegeri.Aqushtap Baqtykereeva.
