«Gardasıl 9» vaktsınasyn satyp alý jumystary júrip jatyr
ASTANA. KAZINFORM – Qazaqstanda adam papıllomasy vırýsyna (APV) qarsy toǵyz valentti «Gardasıl 9» vaktsınasyn satyp alý jumystary júrgizilip jatyr.
Bul týraly Astana qalasynyń sanıtarııalyq-epıdemıologııalyq baqylaý departamentiniń basshysy Aıgúl Shaǵaltaeva Óńirlik kommýnıkatsııalar qyzmetinde ótken brıfıngte málimdedi.
Onyń aıtýynsha, «Gardasıl 9» adam papıllomasy vırýsynyń toǵyz tıpinen qorǵaıdy. Olar – 6, 11, 16, 18, 31, 33, 45, 52 jáne 58 tıpteri.
– Qazirgi ýaqytta elimizde toǵyz valentti «Gardasıl 9» vaktsınasyn satyp alý jumystary júrgizilip jatyr. Bul vaktsına adam papıllomasy vırýsynyń toǵyz tıpine qarsy qorǵanys qalyptastyrýǵa múmkindik beredi, – dedi Aıgúl Shaǵaltaeva.
Eske salaıyq, buǵan deıin Densaýlyq saqtaý mınıstrligi Qazaqstanda adam papıllomasy vırýsyna qarsy vaktsına memleket esebinen tegin salynatynyn, búginge deıin 265 myńnan astam qyz balanyń ekpeniń alǵashqy dozasyn alǵanyn habarlaǵan edi.
