Garajda kólik órtenip, sóndirmek bolǵan er adamdy kúıik shaldy
PAVLODAR. QazAqparat - Baıanaýyl aýdanynyń Maıqaıyń kentinde Mır kóshesinde ornalasqan turǵyn úıdiń aýmaǵynda órt shyqty, dep habarlaıdy pavlodarnews.kz oblystyq TJD baspasóz qyzmetine silteme jasap.
«Qyzyl jalyn búgin túnde saǵat 04.42-de 36 sharshy metr aýmaqty sharpyǵan. Garajda turǵan «Toyota Carina ED» markaly kólik túgi qalmaı janyp ketti. Órt saǵat 04.57-de aýyzdyqtalyp, 05.30-da tolyǵymen sóndirildi», - deıdi departamentte.
Aldyn ala boljam boıynsha, elektr symdarynyń qysqa tuıyqtalýy tótenshe jaǵdaıǵa sebep bolǵan. Tilsiz jaýdy aýyzdyqtaýǵa № 29 órt sóndirý bóliminen eki adam men bir tehnıka jumyldyryldy. Oqıǵa ornynan birinshi dárejede keýde qýysyn kúıik shalǵan 1965 jylǵy azamat Maıqaıyń kentindegi aýdandyq aýrýhanaǵa jetkizildi. Er adam ózdiginen órtti sóndirýge tyrysqan.
