«Garant 24» lombardynyń ústinen 29 BQO turǵyny shaǵym túsirdi
ORAL. QazAqparat – «Garant 24 Lombard» JShS-ǵa qatysty shara qoldaný jóninde 29 Batys Qazaqstan oblysynyń turǵyny shaǵym túsirdi, dep habarlaıdy QazAqparat tilshisi.BQO polıtsııa departamentiniń resmı ókili Bolatbek Belgibekovtiń málim etkenindeı, turǵyndar 21 aqpan kúni júgingen.
Jedel izdestirý sharalary barysynda «Garant 24 Lombard» JShS fılıalynyń óńirlik dırektory, 1980 jylǵy oblys turǵyny qolǵa túsip, tekserý kezinde kelisimsharttar, basqa da qujattar tárkilendi.
Oblys turǵyndary «Garant 24 Lombard» JShS-ǵa shamamen 5 mlrd astam teńge salǵan. Olardyń ishinde paıda kórgender de bar.
Sol sekildi oblystyń eki turǵynynan «ESTATE Lombard» JShS-ǵa qatysty shara qoldaný jóninde aryz tústi.
Jedel izdestirý sharalary barysynda bul seriktestik fılıalynyń óńirlik dırektory, 1987 jylǵy turǵyn ustaldy.
Óńir turǵyndary bul kompanııaǵa 800 mln teńgedeı qarjysyn bergen.
Atalǵan derekter boıynsha QR QK 190-baby 4-bóligine (alaıaqtyq) sáıkes tergeý amaldary júrgizilýde.
«Kúni búgin turǵyndarǵa keltirilgen shyǵyn, basqa da jábirlenýshiler anyqtalý ústinde. Sońǵy kezde óńirde alaıaqtyq derekteri kóbeıip ketip otyr», - dedi QazAqparat tilshisine B.Belgibekov.
Eske sala keteıik, budan buryn Oralda eki adamnyń shaǵymdaýny boıynsha «Garant 24 Lombard» dırektory ustalǵanyn jazǵan bolatynbyz.
