«Garant 24 Lombard» oqıǵasy: Aqtóbede polıtseı kúdikke ilindi

AQTÓBE. QazAqparat – Aqtóbede polıtsııa qyzmetkeri qarjy pıramıdasyna kóligin salyp, keri qaıtara almaǵan turǵyndady aldady, dep habarlaıdy QazAqparat tilshisi.

Sybaılas jemqorlyqqa qarsy qyzmettiń oblystyq departamenti №1 qalalyq polıtsııa bóliminiń ınspektoryna qatysty sotqa deıingi tergeýdi bastady. Kúdikti 7-29 naýryz aralyǵynda qala turǵynynyń senimine kirip, «Garant 24 Lombard» seriktestigine bergen «Opel Zafıro» markaly kóligin qaıtarýǵa ýáde etti. Bul qyzmetine 70 myń teńge alǵan.

Sybaılas jemqorlyqqa qarsy qyzmettiń oblystyq departamenti ózge aqparatty tergeý qupııasyna baılanysty jarııalamady.

Aıta keteıik, bıyl Aqtóbede birneshe qarjy pıramıdasyna qatysty tergeý bastaldy. Birneshe kúdikti ustaldy. «Garant 24 Lombard» seriktestiginiń basshysyna izdeý jarııalanyp, kóp uzamaı qamaldy.