«Gannoverdiń» burynǵy fýtbolshysy «Astanaǵa» kelýi múmkin
ASTANA. QazAqparat - Bolgarııalyq basylymnyń habarlaýynsha, Chavdar ıAnkov taıaý arada elordalyq klýbtyń oıynshysy atanýy múmkin. Bolgarııa quramasynyń 29 jastaǵy burynǵy jartylaı qorǵaýshysy Qazaqstannan búginde jerlesi Atanas Kýrdov óner kórsetip júrgen «Astana» fýtbol klýbyna kelý týraly usynys alǵan, dep habarlaıdy Vesti.kz.
ıAnkov Bolgarııanyń qazirgi chempıonatynda «Slavııa» quramynda 16 match ótkizip, tórt gol salǵan. Fýtbolshy sporttyq mansabynyń basym bóligin Germanııada ótkizip, «Gannover» men «Dýısbýrg» komandalarynda óner kórsetken. Jalpy, ol Bolgarııa quramasy sapynda 39 match ótkizgen.
Aıta keterligi, «Astana» fýtbol klýbynyń bas jattyqtyrýshysy Grıgorıı Babaıan jańa oıynshylar qabyldanbaıtynyn jáne komandadaǵy jeti legıonerdiń orny tolyq ekenin aıtqan bolatyn. Buǵan qosa, qazir klýb Qazaqstan azamaty atanǵysy keletin serb sportshysy Nenad Erıchtiń azamattyq máselesin sheship jatyr.
