Ǵanı Qaınazarov Qazaqstan Football League prezıdenti qyzmetinen ketti
ASTANA. KAZINFORM – Ol bul qyzmetke bıyl 17 mamyrda kelgen edi. Qyzmetten ketýine ózge jumysqa aýysýy sebep bolyp otyr.
- Bıyl QFL-de otandyq fýtboldy damytýǵa baǵyttalǵan birshama reforma júzege asty. Men úshin QFL-di basqarý úlken qurmet ári jaýapkershilik jáne kóptegen jobanyń iske asýyna úles qosqanyma qýanyshtymyn. Lıganyń komandasy, fýtbol klýbtary, bizdiń seriktester, BAQ ókilderi jáne qurmetti jankúıerlerge qoldaý tanytyp, birge jemisti qyzmet atqarǵany úshin raqmetimdi aıtamyn, - dedi Ǵanı Qaınazarov.
Jańa basshyny saılaý máselesi Lıga músheleriniń kezekten tys otyrysynda talqylanady.
Aıta ketsek, budan buryn Qazaqstan fýtbol federatsııasynyń jańa prezıdenti qyzmetine Marat Omarov keldi.
Sondaı-aq Saıan Hamıtjanov Qazaqstan fýtbol federatsııasynyń Bas hatshysy qyzmetine taǵaıyndaldy.