Ǵanı Beısembaev jaıly mektepterdi «Keleshek mektepteri» dep ataýdy usyndy

ASTANA. KAZINFORM — Oqý-aǵartý mınıstri Ǵanı Beısembaev jaıly mektepterdi «Keleshek mektepteri» dep ataýdy usyndy. 

— Memleket basshysynyń bastamasymen Qazaqstanda buryn-sońdy bolmaǵan, teńdessiz jańa úlgidegi mektepter salynyp jatyr. Ulttyq joba — bilim berý júıesinde tyń ári aýqymdy ınfraqurylymdyq bastamany iske asyrýdyń nátıjesi. Osy oraıda, Memleket basshysynyń tapsyrmasyn oryndaý aıasynda elimizde sońǵy alty jylda 1 mln-nan asa oqýshyǵa arnalǵan myńnan asa mektep salyndy. Bul — Táýelsiz Qazaqstan tarıhyndaǵy rekordtyq kórsetkish. Ataýly jańa jobamen salynyp jatqan mektepter osy aýqymdy strategııalyq bastamanyń mańyzdy bóligi, — dedi mınıstr Ortalyq kommýnıkatsııalar qyzmetindege brıfıngte.

Ǵanı Beısembaev jaıly mektepterdiń jaı ǵana mektep ǵımarattary emes, ult bolashaǵy ósip shyǵatyn kıeli bilim ordalary ekendigin aıtady.

— Sondyqtan ulttyq joba aıasynda qalyptasatyn bilim uıymdary «Keleshek mektepteri» atalatyn bolady. Bul usynysymyz urpaǵynyń keleshegine beı-jaı qaramaıtyn azamattar tarapynan qoldaý tabady dep senemiz, — dedi ol.

Sondaı-aq Oqý-aǵartý mınıstri «Jaıly mektepterdiń» eń basty erekshelikterin atady.