Ǵanı Beısembaev Jambyl oblysynda quldyqqa túsken balalarǵa qatysty pikir bildirdi
ASTANA. KAZINFORM – Úkimet otyrysynan keıingi brıfıngide Oqý-aǵartý mınıstri Ǵanı Beısembaev Jambyl oblysynda quldyqqa túsken balalarǵa qatysty pikir bildirdi.
– Mundaı kez kelgen jaǵdaıda Oqý-aǵartý mınıstrliginde bekitilgen algorıtm boıynsha Balalardyń quqyǵyn qorǵaý komıteti shara qabyldaıdy. Bul másele komıtettiń tolyq qadaǵalaýynda bolady. Men de bul máselege qatysty keshe ákiminiń orynbasarymen jáne tıisti ákimdiktermen habarlastym. Qazir balalarǵa eshqandaı qaýip tónip turǵan joq. Naqty tekserý júrgizilip jatyr. Quldyqqa baılanysty «bul dáleldenbedi» degen aqparat kelip jatyr. Tolyqqandy tekseristen keıin kimnen qate ketkeni naqtylanady. Tıisti shara qabyldanady, - dedi mınıstr BAQ ókilderiniń saýalyna oraı.
Aıta keteıik, Jambyl oblysy Talas aýdanynda kámeletke tolmaǵan balalar vıdeoúndeý jazyp, ózderin májbúrli jumysqa jekkenin, qorlyq kórip, soqqyǵa jyǵylǵandaryn aıtqan.