Ǵanı Beısembaev: Muǵalimderdi artyq jumysqa tartý kúrt tómendedi
ASTANA. KAZINFORM – Bilimge qatysy joq dúnıelerdi muǵalimge júkteý bilim salasynan kútetin nátıjege qasaqana nuqsan keltirýmen para-par. Bul týraly BIZDIÑ ORTA podkasynda Oqý-aǵartý mınıstri Ǵanı Beısembaev aıtty.
– «Pedagog mártebesi týraly» Zań qabyldanǵannan beri muǵalimderdi artyq jumysqa tartý kúrt tómendedi. Salystyrmaly túrde aıtar bolsaq, 2020 jyldary muǵalimderdi artyq jumysqa tartýǵa qatysty 30-dan asa shaǵym túsetin bolsa, búginde jylyna 4-5 shaǵym ǵana keledi. Árıne, biz úshin bul da kóp. Ol nemen baılanysty? Bul – keıbir óńirde ákimdikterdiń nemese Bilim basqarmalarynyń zańǵa qatysty normalardy tolyqqandy túsinbeıtindigi nemese oryndamaı otyrǵanynyń belgisi. Osyǵan qatysty ákimdikterge ne basqarmalarǵa eskertý berip otyramyz. ıAǵnı, zań bolǵandyqtan ony oryndaý – mindet. Zań oryndalýy, buzylmaýy tıis, - dedi mınıstr.
Onyń paıymynsha, muǵalimniń eń basty mindetteriniń biri – balaǵa sapaly bilim berý. Ustaz esh nársege alańdamaýy tıis. Odan balaǵa sapaly bilim berýin ǵana suraý qajet.
– Bilimge qatysy joq dúnıelerdi muǵalimge júkteı berýdiń ózi memlekettiń bilim salasynan kútetin nátıjesine qasaqana nuqsan keltirýmen para-par. Biz ony da túsinýimiz qajet. Osy máseleni oryndaıtyn tıisti organdardyń jaýapkershiligin qatańdatýdy talap etýimiz qajet. Búginde basty másele – jergilikti atqarýshy organdardyń jazylǵan erejelerdi, zańnamalyq erejelerdi, zań normalaryn buzbaı saýatty, tolyqqandy oryndaýyna baılanysty. Árıne, ár óńirdegi jaǵdaıǵa Sapany qamtamasyz etý departamentterimiz arqyly baqylaý júrgizip, ony tolyq qadaǵalap otyramyz. Másele kóterilgen jaǵdaıda mınıstrliktiń tıisti algorıtmi arqyly shara qoldanylady, - dedi Ǵanı Beısembaev.
Eske sala keteıik, budan buryn Oqý-aǵartý mınıstri elimizdegi barlyq bilim ordasy zamanaýı «Keleshek mektepterine» aınalatynyn aıtqan edi. Sondaı-aq Ǵanı Beısembaev Qazaqstandaǵy mektepter bir aýysymdy oqytý júıesine qadam basqanyn tilge tıek etti. Sonymen birge suhbat barysynda on óńirdegi eski, apatty jaǵdaıda turǵan mektepter jańartylatyny belgili boldy.