Gandboldan Jazǵy Olımpıadaǵa irikteý: Qazaqstan quramasy Úndistannan basym tústi

ASTANA. QazAqparat – Japonııanyń Hırosıma qalasynda gandboldan 2024 jylǵy Parıj Olımpıadasyna irikteý týrnırinde Qazaqstan áıelder quramasy Úndistannan basym tústi, dep habarlaıdy QazAqparat tilshisi.

Bul básekege Azııa qurlyǵynan alty qurama qatysady josparlanǵan edi. Jerebe tartýdan keıin Ózbekstan belgisiz sebepterge baılanysty jarystan bas tartty.

Búgingi kezdesýde el quramasy Úndistannan 34:26 esebimen basym tústi.

Іrikteý týrnırinde qazaqstandyq gandbolshylar Qytaıǵa 26:33, Japonııa 28:50, Ońtústik Koreıa 24:45 esebimen ese jibergen edi.

Nátıjesinde óz tobynda tórtinshi oryndy mise tutyp, ázirge 2024 jylǵy Parıj Olımpıadasyna joldamaǵa qol jetkize almady.

Bul topta birinshi oryn alǵan Ońtústik Koreıa dúbirli dodaǵa tikeleı joldama aldy.

Endi qazaqstandyq gandbolshylar 2024 jylǵy 11-14 sáýir aralyǵyndaǵy kezekti lıtsenzııalyq týrnırde baq synaıdy. Ol kezde ár qurlyqtaǵy saıystyń ókilderi bolady.

Qazaqstan áıelder quramasy buǵan deıin 2008 jyly Jazǵy Olımpıadada baq synap, jalpy esepte onynshy oryndy mise tutty.