Gandboldan jasóspirim qyzdar arasynda Azııa chempıonaty máresine jetti
ALMATY. QazAqparat - Almaty qalasynda gandboldan jasóspirim qyzdar arasynda Azııa chempıonaty máresine jetti, dep habarlaıdy QazAqparat tilshisi.
Qurlyqtyq dodaǵa barlyǵy bes qurama qatysty. Olardyń qatarynda Qazaqstannan ózge Úndistan, Iran, Ózbekstan jáne Taıland quramalary boldy.
Tórtinshi oıynda Qazaqstan quramasy Ózbekstan qyzdaryn 29:22 esebimen tize búktirdi.
Buǵan deıin Qazaqstan qyzdary Taıland (28:20) jáne Iran (30:24) quramalaryn jeńdi.
Búgin Úndistanǵa 21:29 esebimen jol berip qoıdy.
Osylaısha qazaqstandyq gandbolshylar 6 upaımen ekinshi oryndy mise tutty.
Dál osyndaı upaı jınaǵan Úndistan upaı aıyrmasymen birinshi oryn alsa, Iran úzdik úshtikti túıindedi.
Nátıjesinde álem chempıonatyna Úndistan joldama aldy.
Qazaqstan qyzdary qurlyqtyq dodada buǵan deıin bir márte kúmis (2007 jyl), úsh márte qola (1998, 2011, 2015 jyl) júldeger atandy.
Qurlyqtyq dodada jeńimpaz atanǵan qurama álem chempıonatyna joldama alady.
