Gandboldan Olımpıadaǵa irikteý: Qazaqstan quramasy Reseıden jeńildi
NUR-SULTAN. QazAqparat - Gandboldan Qazaqstan áıelder quramasy Olımpıadaǵa irikteý satysyndaǵy ekinshi kezdesýin ótkizdi, dep habarlaıdy QazAqparat tilshisi.
Іrikteý oıyndary Majarstanda ótýde. Qazaqstannyń qarsylastary - Majarstan, Reseı jáne Serbııa quramalary.
Alǵashqy oıynda qaazqstandyq gandbolshylar Majarstannan 19:46 esebimen jeńilip qaldy.
Al Reseı Serbııany 29:24 esebimen tize búktirdi.
Ekinshi kezdesýde quramamyz reseılik sportshylarǵa laıyqty qarsylyq kórsetti. Birinshi kezeńde 17:16 esebi tirkelse, ekinshi kezeńde 10:16 esebimen ese jiberdi. Oıyn nátıjesinde qarsylasyna 26:33 esebimen jol berdi.
Atalǵan toptaǵy Majarstan Serbııany 31:23 esebimen tize búktirdi.
Endi Qazaqstan quramasy 21 naýryzda Serbııamen sheberlik baıqasady.
Esterińizge sala ketelik, quramamyz 2008 jyly Olımpıada oıyndarynda baq synap, jalpy komandalyq esepte onynshy orynǵa taban tiregen bolatyn.
Aıta keteıik, Qazaqstan Tokıo Olımpıadasyna 100 joldama ıelenýdi josparlap otyr.
