Gandboldan Qazaqstan qyzdar quramasy Qyzylordada daıyndalýda
YZYLORDA. Aqpannyń 16-sy. QazAqparat /Rýslan Igilik/ - Gandboldan elimizdiń qyzdar quramasy qazirgi kúni Qyzylorda qalasynda kezekti oqý-jattyǵý jıynyn ótkizip jatyr,
dep habarlaıdy QazAqparat tilshisi.
Qańtar aıynyń aıaq shenine taman elimizdiń gandbol federatsııasynyń kezekti májilisi bolyp ótken edi. Osy alqaly jıynda qyzdar arasyndaǵy ulttyq quramanyń bas jattyqtyrýshysy taǵaıyndaldy. Bul qyzmetke Qyzylordanyń «Seıhýn»-QAM-QMÝ komandasynyń tizginin ustaǵan Vıacheslav Kım laıyq dep tanyldy.
Jańa basshy quramanyń bıylǵy jylǵy alǵashqy oqý-jattyǵý jıynyn ótkizýdi qolǵa aldy. Aqpan aıynyń basynan oıynshylar Qyzylorda qalasyna jınaldy. Jıynǵa Almatydan Natalıa Kýbrına, Elena Kozlova, Alena Sýıazova, Shymkentten Marına Pıkalova, Katıa Mıshýrına, Tatıana Chýmakova, Pavlodardan Aleksandra Efımova, Almaty oblysynan Evgenııa Latkına syndy gandbolshylar shaqyrý aldy. Sonymen qatar, qyzylordalyq komanda sapynan Olga Egýnova, Evgenııa Nıkolaeva, Jannat Áıtenova, Ásem Batyrbekova, Elena Golovanova, Gaýhar Qaramergenova, Gúlzıra Ysqaqovalarǵa senim bildirildi. Bas jattyqtyrýshyǵa kómekshi bolyp shymkenttik maman Vadım Bykanov bekitildi.
Bas jattyqtyrýshy aldynda úlken mindetter tur. Aldaǵy jyly Jazǵy Azııa oıyndary ótedi. Sonymen qatar, Brazılııada álem chempıonaty bolady. Bizdiń elimizdiń quramasy atalmysh jarystarǵa qatysyp, joǵary deńgeıde oınaýǵa kúsh salýdy aldyna maqsat etip otyr.
