Gandboldan Qazaqstan qyzdar quramasy Azııa oıyndarynda Úndistannan basym tústi
ASTANA. KAZINFORM — Qazaqstan qyzdar quramasy gandboldan Manama qalasynda (Bahreın) ótip jatqan jasóspirimder arasyndaǵy Azııa oıyndarynda kezekti jeńisine qol jetkizdi.
Toptyq kezeńdegi kezekti oıynda otandastarymyz Úndistan quramasymen kezdesti.
Birinshi kezeń 19:15 esebimen qazaqstandyqtardyń paıdasyna aıaqtaldy. Ekinshi kezeńde de basymdyǵyn saqtaǵan Qazaqstan quramasy matchty 39:26 esebimen óz paıdasyna aıaqtady.
Osylaısha Qazaqstan qyzdar quramasy jasóspirimder arasyndaǵy Azııa oıyndaryndaǵy ekinshi jeńisine toılady. Buǵan deıin olar Gonkong quramasyn qapy qaldyrǵan bolatyn.
