Gandboldan Qazaqstan chempıonatynyń tórtinshi kezeńi aıaqtaldy
ASTANA. QazAqparat - Almatydaǵy «Dostyq» sport kesheninde gandboldan áıelder arasynda el birinshiligi joǵary lıgasynyń tórtinshi kezeńi aıaqtaldy, dep habarlaıdy QazAqparat Almaty qalalyq Dene shynyqtyrý jáne sport basqarmasyna silteme jasap.
Gandbolshylar sheshýshi matchtardy batyl ári senimdi bastady. Qyzdar kezdesý barysynda tartysty da qyzyqty oıyn úlgisin kórsetti. Jalpy qatysýshylardyń basym kópshiligi 14-16 jastar aralyǵyndaǵy sportshylar.
Jarys kezinde gandboldan Qazaqstan federatsııasynyń ókilderi qatysýshylardy sertıfıkattarmen marapattap, kishigirim eskertkishterdi syıǵa tartty. Sonymen qatar, gandboldan elimizdiń qurama komandasyna úzdikter irikteldi.
«Búgin barlyq komandalar bir deńgeıde oınap jatyr, olardy dıvızıondarǵa bólýge bolady. Joǵary lıga 11 komandadan turady. Kelesi jyly 3 lıga - sýper lıga, joǵary lıga jáne birinshi dıvızıon dodaǵa túsetin bolady. Bul qýantarlyq jaıt, biz 25 jylda 25 komanda qurdyq. Qazirgi tańda, elimizde gandbol qarqyndy damyp keledi. Búgin, memlekettik qurama komandasyna úzdik oıynshylar irikteldi, endi olar Azııa chempıonatyna daıyndalatyn bolady. Menińshe, jańarǵan jas komanda halyqaralyq jarystarda jaqsy nátıjelerge qol jetkizedi, - dep qorytyndylady gandboldan Qazaqstan federatsııasynyń prezıdenti Gúlnár Ismaǵulqyzy.
Aıta ketsek, chempıonatqa Qazaqstannyń túkpir-túkpirinen kelgen 11 komanda eki topqa bólingen bolatyn. Jarystyń sońǵy kúni kelesi ujymdar ózara myqtyny anyqtady:
Joǵary lıganyń tórtinshi kezeń nátıjeleri:
I - «Qazyǵurt» (Shymkent)
II - Altaı (ShQO)
III - «Soltústik» (Pavlodar)
IV - KDıÝSSh № 3 (Almaty)
V - KIVS «Astana» (Astana)
VI - «Qostanaı» (Qostanaı)
VII - «Іle» (Almaty obl.)
VIII - «Qaraǵandy» (Qaraǵandy)
IX - «Qandyaǵash» (Aqtóbe oblysy.)
X - «Qaısar-KAM-KGÝ» (Qyzylorda)
XI - SDıÝShOR № 5 (Astana)
