Gandboldan Qazaqstan áıelder quramasy Sıngapýrdy jeńdi

ASTANA. KAZINFORM – Gandboldan Qazaqstan áıelder quramasy Nıý-Delıde (Úndistan) ótip jatqan Azııa chempıonatynyń toptyq kezeńindegi sońǵy matchyn ótkizdi. 

Ulttyq olımpıadalyq komıtettiń habarlaýynsha, otandastarymyz Sıngapýr komandasynan basym túsken. Qorytyndy esep – 39:7. 

Osylaısha, qazaqstandyqtar úsh oıynnyń ekeýinde jeńiske jetti. Buǵan deıin olar Qytaı quramasyn qapy qaldyryp, Ońtústik Koreıaǵa ese jibergen edi. 

Aıta ketý kerek, ár toptan eki komanda pleı-off kezeńine shyǵady. Qazaqstannyń toptyq kezeńdegi orny Ońtústik Koreıa men Qytaı arasyndaǵy matchtyń nátıjesine baılanysty anyqtalady. 

Eske salsaq, buǵan deıin voleıboldan el birinshiliginde «Turan» ekinshi ret qatarynan jeńilip qalǵanyn jazǵan edik.