Gandboldan Qazaqstan áıelder quramasy Kýbaǵa ese jiberdi

ASTANA. KAZINFORM - Búgin gandboldan Qazaqstan áıelder quramasy 2025 jylǵy álem chempıonatynyń 24-32 oryndar úshin pleı-off satysynda ekinshi topta Kýbaǵa ese jiberdi.

Otandastarymyz atalǵan topta Egıpet, Qytaı jáne Kýbamen synǵa túsedi. 

Búgingi kezdesýde qazaqstandyq gandbolshylar tartysty oıyn ótkizdi. Birinshi kezeńde 14:12 esebimen jeńgen edi. Degenmen ekinshi kezeńde sol basymdyqty ustap tura alǵan joq.

Saldarynan qarsylasyna 28:29 esebimen ese jiberdi.

Endi otandastarymyz 6 jeltoqsanda Qytaı, 8 jeltoqsanda Egıpetpen sheberlik baıqasady. 
Aıta ketsek, qazaqstandyq gandbolshylar Angolaǵa 20:38, Norvegııaǵa 16:41, Ońtústik Koreıaǵa 17:35 esebimen jol berdi.

Osylaısha óz tobynda tórtinshi oryndy mise tutyp, 24-32 oryndar úshin synǵa túsetin segiz quramanyń qataryna qosyldy.

Qazaqstandyq gandbolshylar 2008 jyly Olımpıadada 10-orynǵa alǵan edi. Odan keıingi jyldarda dúbirli dodadan tys qaldy.

Otandastarymyz qazirge deıin álem chempıonatynda jeti márte baq synady. Olardyń joǵary jetistigi - 2007 jylǵy 18-oryn.

Dúbirli dodada barlyǵy 32 qurama synǵa túsip jatyr.