Gandboldan Qazaqstan áıelder quramasy Azııa oıyndarynda Vetnamdy jeńdi
ASTANA. KAZINFORM — Gandboldan Qazaqstan áıelder quramasy 2026 jylǵy Azııa oıyndarynda Vetnamnan basym tústi.
Kezdesý barysynda el quramasy jınaqy qımyl kórsetti. Alǵashqy kezeńde qarsylastar tereze teń deńgeıde oınaı bildi. Nátıjesinde bul kezeńde 14:14 esebi tirkeldi.
Ekinshi kezeńde qazaqstandyq gandbolshy qyzdardyń basymdyǵy baıqalyp turdy. Bul olardyń jeńiske jetýine óz septigin tıgizdi.
Osylaısha otandastarymyz qarsylasynan 29:25 esebimen basym túsip, dúbirli dodadaǵy alǵashqy jeńisine qol jetkizdi.
El quramasy Japonııa, Ońtústik Koreıa, Qytaı, Gonkong, Ózbekstan jáne Vetnammen synǵa túsip jatyr.
Qazirge deıin olar Ońtústik Koreıaǵa 18:42, Qytaıǵa 24:34 esebimen ese jiberdi.
Endi olar 23 qyrkúıekte Gonkong, 25 qyrkúıekte Japonııa, 26 qyrkúıekte Ózbekstan quramalarymen synǵa túsedi.
Gandboldan Qazaqstan áıelder quramasy 2002, 2006 jyldary Azııa oıyndarynda kúmis júldeger atandy.
Aıta ketsek, budan buryn qazaqstandyq sportshy Erkinǵalı Búrkitalın Japonııada ótip jatqan jazǵy Azııa oıyndarynda top jardy.
