Gandboldan Qazaqstan áıelder quramasy álem chempıonatyna qatysady

Gandboldan Qazaqstan áıelder quramasy álem chempıonatyna qatysady, dep habarlaıdy Kazınform.

Dúbirli doda 29 qarasha men 7 jeltoqsan aralyǵynda Danııa, Norvegııa, Shvetsııa elderinde ótkiziledi.

Qazaqstandyq gandbolshylar G tobynda synǵa túsedi. Qarsylastary - Brazılııa, Ispanııa men Ýkraına.

El quramasy alǵashqy oıynyn 29 qarashada Ispanııaǵa qarsy ótkizedi.

Al 1 jeltoqsanda Brazılııamen sheberlik baıqassa, 3 jeltoqsanda Ýkraınamen kezdesedi.

Oıyndar Qazsport telearnasynan tikeleı efırde kórsetiledi.
Qazaqstandyq gandbolshylar álem chempıonatyna jetinshi márte qatysyp otyr. Ázirge eń joǵary kórsetkishi - 2007 jylǵy 18 oryn.

Álem chempıonatyna qatysatyn 32 qurama tórt-tórtten segiz topqa bólingen.

Quramalardyń toptarǵa bólinýi mynadaı:

A toby: Shvetsııa, Horvatııa, Qytaı, Senegal
V toby: Chernogorııa, Vengrııa, Kamerýn, Paragvaı
S toby: Norvegııa, Ońtústik Koreıa, Grenlandııa, Avstrııa.
D toby: Frantsııa, Slovenııa, Angola, Islandııa.
E toby: Danııa, Rýmynııa, Serbııa, Chılı.
F toby: Germanııa, Polsha, Japonııa, Iran.
G toby: Brazılııa, Ispanııa, Ýkraına, Qazaqstan.
H toby: Nıderland, Chehııa, Argentına, Kongo.

Aıta ketsek, 2021 jyly Norvegııa quramasy álem chempıony atanǵan edi.

Eske salsaq, budan buryn Shveıtsarııa Qysqy Olımpıada oıyndaryn ótkizýge úmitker elderdiń qataryna qosyldy.