Gandboldan Azııa chempıonaty: Qazaqstan qyzdary jartylaı fınalda Japonııamen kezdesedi
NUR-SULTAN. QazAqparat - Gandboldan áıelder arasyndaǵy Azııa chempıonatynyń jartylaı fınalynda Qazaqstan quramasy Japonııamen kezdesedi, dep habarlaıdy QazAqparat tilshisi.
Eske salsaq, qazaqstandyq qyzdar A tobynda synǵa tústi. Aldymen Sıngapýrden 33:18, Gonkongti 31:29, Ózbekstandy 31:28 esebimen jeńse, Ońtústik Koreıaǵa 20:40 esebimen jol berdi. Osylaısha óziniń tobynda ekinshi oryn aldy.
Al V tobynda Japonııa birinshi oryn alsa, Iran ekinshi orynǵa turaqtady.
Endi jartylaı fınalda 23 qyrkúıekte Japonııa men Qazaqstan, Iran men Ońtústik Koreıa sheberlik baıqasady. Jeńimpaz quramalar 25 qyrkúıekte fınalda kezdesse shyqsa, jeńilgeni sol kúni 3-oryn úshin tartysqa túsedi.
Aıta ketsek, qurlyqtyq doda 1987 jyldan beri turaqty túrde ótkizilip keledi.
Buǵan deıin Ońtústik Koreıa 14 márte chempıon atandy. Al Qazaqstan quramasy 2002 jáne 2010 jyldary eki márte jeńimpaz tuǵyrynan kórindi. Al Japonııa bir márte altynnan alqa taqty.
