Gandboldan Azııa chempıonaty: Qazaqstan qyzdary Iranǵa ese jiberdi
NUR-SULTAN. QazAqparat - Almaty qalasynda 18 jasqa deıingi jasóspirim qyzdar arasynda Azııa chempıonaty ótip jatyr, dep habarlaıdy QazAqparat tilshisi.
Qurlyqtyq dodada barlyǵy bes qurama synǵa túsýde. Olardyń qatarynda Iran, Ózbekstan, Qazaqstan, Úndistan jáne Sırııa quramalary bar.
Qazaqstandyq gandbolshylar alǵashqy kezdesýinde Iranǵa 19:20 esebimen jol berip qoıdy.
Endi qyzdar úsh oıyn ótkizedi. Aldymen 22 naýryzda Sırııamen sheberlik baıqassa, odan keıin 23 naýryzda Úndistan, 25 naýryzda Ózbekstanmen tartysqa túsedi.
Alǵashqy eki oıynnan keıin tórt upaımen Iran kósh bastasa, Ózbekstan eki upaımen ekinshi orynda tur. Bir oıynnan keıin Qazaqstan men Úndistannyń, ázirge eshqandaı oıyn ótkizbegen Sırııanyń enshisinde upaı joq.
