Gandboldan Azııa chempıonaty: Qazaqstan qyzdar quramasynyń qarsylastary anyqtaldy
NUR-SULTAN. QazAqparat - Gandboldan qyzdar arasyndaǵy Azııa chempıonatynda Qazaqstan quramasynyń qarsylastary anyqtaldy, dep habarlaıdy QazAqparat tilshisi.
Aıta keteıik, qurlyqtyq doda 15-25 qyrkúıek aralyǵynda Iordanııa astanasy Amman qalasynda ótkiziledi.
Jarysqa qatysatyn 12 qurama eki topqa bólingen. Qazaqstan qyzdary A tobynda Ońtústik Koreıa, Gonkong, Sıngapýr, Qatar, Ózbekstan quramalarymen synǵa túsedi.
Aldymen qazaqstandyq gandbolshylar 15 qyrkúıekte Qatarmen kúsh synasady. Odan keıin 16 qyrkúıekte Gonkong, 14 qyrkúıekte Ózbekstan, 19 qyrkúıekte Sıngapýrmen sheberlik baıqasady. Al 21 qyrkúıekte Ońtústik Koreıamen kezdesedi.
Al V tobynda Iordanııa, Japonııa, Iran, Úndistan, Kýveıt, Aýǵanstan bar.
Azııa chempıonatynda 23 qyrkúıekte jartylaı fınal ótkizilse, fınal 25 qyrkúıekke belgilengen.
Aıta ketsek, qurlyqtyq doda 1987 jyldan beri turaqty túrde ótkizilip keledi. Buǵan deıin Ońtústik Koreıa 14 márte chempıon atandy. Al Qazaqstan quramasy 2002 jáne 2010 jyldary eki márte jeńimpaz tuǵyrynan kórindi. Al Japonııa bir márte altynnan alqa taqty.
