Gandboldan Azııa chempıonaty: Qazaqstan qola júldeger atandy
NUR-SULTAN. QazAqparat - Gandboldan áıelder arasyndaǵy Azııa chempıonatynda Qazaqstan quramasy qola júldeger atandy, dep habarlaıdy QazAqparat tilshisi.
Qazaqstandyq sportshylar senbi kúni 3-oryn úshin Iranmen kúsh synasty. Qarsylastarynan 38:33 esebimen basym túsip, qola júldeger atandy.
Eske salsaq, qazaqstandyq qyzdar A tobynda synǵa tústi. Aldymen Sıngapýrden 33:18, Gonkongti 31:29, Ózbekstandy 31:28 esebimen jeńse, Ońtústik Koreıaǵa 20:40 esebimen jol berdi. Osylaısha óziniń tobynda ekinshi oryn aldy.
Jartylaı fınalda Japonııaǵa 24:38 esebimen jol berdi.
Aıta ketsek, qurlyqtyq doda 1987 jyldan beri turaqty túrde ótkizilip keledi.
Buǵan deıin Ońtústik Koreıa 14 márte chempıon atandy. Al Qazaqstan quramasy 2002 jáne 2010 jyldary eki márte jeńimpaz tuǵyrynan kórindi. Japonııa bir márte altynnan alqa taqty.
Bıyl Azııa chempıony ataǵyna Ońtústik Koreıa quramasy qol jetkizdi. Olar fınalda Japonııadan 33:24 esebimen basym tústi.
