Gandboldan Azııa chempıonaty: Qazaqstan qola júldege talasady
NUR-SULTAN. QazAqparat - Gandboldan áıelder arasyndaǵy Azııa chempıonatynda Qazaqstan quramasy qola júldege talasady, dep habarlaıdy QazAqparat tilshisi.
Qazaqstandyq sportshylar jartylaı fınalda Japonııadan 24:38 esebimen jol berdi. Nátıjesinde fınalǵa qarsylas qurama joldama aldy.
Olar fınalda 25 qyrkúıekte Ońtústik Koreıamen synǵa túsedi.
Koreı sportshylary búgin jartylaı fınalda ırandyq gandbolshylardan 46:21 esebimen basym tústi.
Al Qazaqstan quramasy 3-oryn úshin Iranmen sheberlik baıqasady.
Eske salsaq, qazaqstandyq qyzdar A tobynda synǵa tústi.
Aldymen Sıngapýrden 33:18, Gonkongti 31:29, Ózbekstandy 31:28 esebimen jeńse, Ońtústik Koreıaǵa 20:40 esebimen jol berdi.
Osylaısha óziniń tobynda ekinshi oryn aldy.
Aıta ketsek, qurlyqtyq doda 1987 jyldan beri turaqty túrde ótkizilip keledi.
Buǵan deıin Ońtústik Koreıa 14 márte chempıon atandy.
Al Qazaqstan quramasy 2002 jáne 2010 jyldary eki márte jeńimpaz tuǵyrynan kórindi.
Al Japonııa bir márte altynnan alqa taqty.
