Gandboldan Azııa chempıonatyna qatysatyn Ulttyq qurama sportshylary anyqtaldy

11-25 aqpan aralyǵynda Bahreın memleketiniń Manama qalasynda qol dobynan erler arasynda ótetin XXI Azııa chempıonatynda el namysyn qorǵaıtyn qurama músheleri anyqtaldy, dep habarlaıdy Kazinform. 

QR Týrızm jáne sport mınıstrligi Sportty damytý dırektsııasynyń baspasóz qyzmeti málim etkendeı, bıyl sary qurlyqtaǵy 16 eldiń quramasy (Qazaqstan, Qatar, Kýveıt, Oman, Taıbeı, Iran, Ońtústik Koreıa, Qytaı, Jańa Zelandııa, Saýd Arabııasy, Irak, Úndistan, Japonııa, Bahreın, BAÁ, Gonkong) kim myqtyny anyqtamaq. Ár komandada 16 oıynshydan tirkelgen.

Ulttyq qurama oıynshylarynyń tizimi:

Qýanbaı Qýantyr, Danııar Irısmetov, Áset Qalı, Asylhan Nábıev, Erjan Kenjebaev, Konstantın Mılıaev, Dáýren Tilekqabyl, Bekzat Anarbaev, Odıljan Gazıev, Ilıa Pobochenko, Mıras Qaldyhan, Danııl ıAkýbovıch, Asqan Óksikbaev, Dılmýrad ıÝldashev, Artem Melnıchenko, Vıktor Mıhaılov.

Komanda jasaqtaý kezinde byltyr jazda Qaraǵandy qalasynda ótken gandboldan QR-nyń VI jazǵy Spartakıadasynyń nátıjesi esepke alynǵan.

Qazaqstan Azııa chempıonatyndaǵy alǵashqy oıynda Bahreınmen kúsh synasady. Budan bólek D tobynda taǵy BAÁ men Gonkong bar. Chempıonat nátıjesinde 2025 jyly qysta Horvatııa, Danııa men Norvegııada ótetin 4 qurama álem chempıonatyna joldama alady.

Bahreın osyǵan deıin Azııa chempıonatyn 1993, 2014 jáne 2016 jyly qabyldaǵan. Qazirgi chempıon – Qatar qatarynan 5 Azııa chempıonatynda (2014, 2016, 2018, 2020 men 2022 jyly) top jarǵan.