Gandboldan Azııa chempıonaty: Qazaqstan erler quramasy Qytaıǵa ese jiberdi

MANAMA. KAZINFORM - Qazaqstan quramasy Bahreın astanasy Manama qalasynda gandboldan erler arasyndaǵy Azııa chempıonatynda 9-16 oryndar úshin pleı-off satysynda Qytaıdan jeńilip qaldy.

Kezdesý barysynda qazaqstandyq gandbolshylar qarsylasyna 24:43 esebimen ese jiberdi. Odan buryn Oman quramasyna 29:30 esebimen jeńilgen edi.

Endi el quramasy 21 qańtarda Úndistanmen sheberlik baıqasady.

Nátıjesinde quramalardyń qaı oryn úshin synǵa túsetini belgili bolady. Atalǵan oıyndar 22-23 qańtar kúnderine belgilengen.

Qazaqstandyq gandbolshylar jarystyń alǵashqy satysynda D tobynda synǵa tústi. Aldymen Bahreınnen 13:47, Birikken Arab Ámirliginen 15:39 esebimen jeńilip, Gonkongty 27:22 esebimen tize búktirdi.

Qazaqstan quramasy bıyl qurlyqtyq dodaǵa úshinshi márte qatysyp otyr. 1998 jyly segizinshi orynǵa taban tirese, 1993 jyly on birinshi oryndy mise tutty.