Gandboldan áıelder quramasy álem chempıonatyna qatysýǵa joldama aldy
ALMATY. 25 jeltoqsan. QazAqparat - /Ádilet Musahaev/ - Almatydaǵy Balýan Sholaq atyndaǵy sport kesheninde gandboldan áıelder arasyndaǵy Azııa chempıonaty jalǵasýda.
Atalǵan chempıonatqa segiz komanda qatysýda. Azııalyq gandbol federatsııasynyń sheshimi boıynsha, bul komandalar A jáne V toptaryna bólinip oıyn kórsetýde. Birinshi bolyp Qazaqstan, Qytaı, Iran jáne KHDR elderi kirgen top óner kórsetýde. Ekinshi topqa Ońtústik Koreıa, Japonııa, Taıland jáne Ózbekstan komandalary kirgen.
Qazaqstan komandasy alǵashqy oıyndy jaqynda ǵana Azııa oıyndaryn jeńip alǵan Qytaı eliniń komandasymen ótkizip, 25:22 esebimen jeńiske jetti. Bul jeńis el komandasyna kelesi jyly Brazılııada ótetin álem chempıonatyna qatysýǵa joldama ákeldi. Biraq saıys bunymen bitken joq, QR quramasynyń jańa jattyqtyrýshysy ıÝn Te Ildiń aıtýynsha, óz jerimizde eń joǵary dárejede oıyn kórsetýimiz kerek. Sondaı-aq Qazaqstan komandasy 35:13 esebimen ırandyqtardy oısyrata utty.
Esterińizde bolsa, mundaı jarys shaharymyzda ekinshi ret ótkizilip otyr. 2002 jyly el komandasy óz tarıhynda Almatyda ótken chempıonatta altyn medaldy jeńip alǵan bolatyn.
