Gandboldan álem chempıonaty: Qazaqstan qyzdary Iranmen kezdesedi
NUR-SULTAN. QazAqparat - Búgin gandboldan álem chempıonatynda Qazaqstan qyzdar quramasy úshinshi oıynyn Iranǵa qarsy ótkizedi, dep habarlaıdy QazAqparat tilshisi.
Qazaqstan qyzdary S tobynda synǵa túsedi. Qarsylastary – Norvegııa, Rýmynııa jáne Iran quramalary.
Ulttyq qurama búgin Iranmen sheberlik baıqasady. Oıyn elorda ýaqytymen 22:50-de bastalyp, Qazsport telearnasynan tikeleı efırde kórsetiledi.
Iran – Azııa qurlyǵynda aldyńǵy qatarly quramanyń biri. 2021 jyly qurlyqtyq dodada tórtinshi orynǵa taban tiredi. Sol joly olar Qazaqstanǵa 33:38 esebimen jol bergen edi.
Eki qurama arasyndaǵy búgingi kezdesýde úshinshi oryn taǵdyry sheshiledi. Árbir toptan úzdik úshtikke ilikken quramalar jarysty jalǵastyrýǵa múmkindik alady.
Eske salsaq, budan buryn ulttyq qurama Norvegııa men Rýmynııaǵa ese jiberdi.
Qazaqstan quramasy buǵan deıin álem chempıonatynyń fınaldyq satysynda 5 márte baq synady. 2007 jyly – 18, 2011 jyly – 19, 2009, 2015, 2019 jyldarda 22-oryndy qanaǵat tutty. Al Olımpıada oıyndarynda 2008 jyly 10-oryn aldy.
Álem chempıonaty 1-19 jeltoqsan aralyǵynda Ispanııanyń Lırııa, Kastelon, Granolers, Torreveha qalalarynda ótkiziledi. Dúbirli dodada barlyǵy 32 qurama baq synaıdy.
