Gandboldan álem chempıonatynda Qazaqstan áıelder quramasy Irandy jeńdi

ASTANA. KAZINFORM — Búgin gandboldan Qazaqstan áıelder quramasy 2025 jylǵy álem chempıonatynda qaı oryn alǵany belgili boldy.

Qazaqstandyq gandbolshylar 31-oryn kúshin saıysta Iran quramasyn 31:24 esebimen tize búktirdi.

Otandastarymyz qazirge deıin alty kezdesýde qarsylastaryna ese jiberip qoıdy. Aldymen irikteý satysynyń toptyq kezeńinde Angolaǵa 20:38, Norvegııaǵa 16:41, Ońtústik Koreıaǵa 17:35 esebimen jeńilip qaldy.

Odan deıin 24-32 oryndar úshin pleı-off satysynda ekinshi topta Kýbaǵa 28:29, Qytaıǵa 30:32, Egıpetke 18:30 esebimen jol berdi. 

Qazaqstandyq gandbolshylar 2008 jyly Olımpıadada 10-orynǵa alǵan edi. Odan keıingi jyldarda dúbirli dodadan tys qaldy.

Otandastarymyz qazirge deıin álem chempıonatynda jeti márte baq synady. Olardyń joǵary jetistigi — 2007 jylǵy 18-oryn.

Álem chempıonatynda fınal men 3-oryn úshin saıys 14 jeltoqsanǵa belgilengen.

Gandboldan áıelder arasyndaǵy álem chempıonaty 1957 jyldan beri turaqty túrde ótkizilip keledi. Qazirge deıin Reseı — 7, Norvegııa men Germanııa -4, Frantsııa — 3, Vengrııa, Serbııa, Danııa, Rýmynııa, Nıderland, Chehoslovakııa, Ońtústik Koreıa men Brazılııa -1 márte chempıon atandy.