Gandboldan álem chempıonaty: Qazaqstan áıelder quramasy Ýkraınamen kezdesedi

Búgin gandboldan áıelder quramalary arasyndaǵy álem chempıonatynda Qazaqstan quramasy Ýkraınamen kezdesý ótkizedi, dep habarlaıdy Kazınform.

Qazaqstandyq gandbolshylar G tobynda synǵa túsip jatyr. Qarsylastary – Brazılııa, Ispanııa jáne Ýkraına. 

Búgin, 3 jeltoqsanda qazaqstandyq gandbolshylar úshinshi oıynynda Ýkraınamen sheberlik baıqasady.

Oıyn elorda ýaqytymen 20:25-te Qazsport telearnasynan tikeleı efırde kórsetiledi.

Aıta ketsek, budan buryn el quramasy Ispanııadan17:34, Brazılııadan 16:46 esebimen jeńilip qaldy.

Qazaqstandyq gandbolshylar álem chempıonatyna jetinshi márte qatysyp otyr. Ázirge eń joǵary kórsetkishi – 2007 jylǵy 18 oryn.

Álem chempıonatyna qatysatyn 32 qurama tórt-tórtten segiz topqa bólingen. Árbir toptan alǵashqy úsh oryndaǵy quramalary jarystyń kelesi satysyna joldama alady.

Dúbirli doda Danııa, Norvegııa, Shvetsııa elderinde 29 qarashada bastaldy, endi 7 jeltoqsanda máresine jetedi.

Aıta ketsek, álem chempıonaty 1957 jyldan beri turaqty túrde ótkizilip keledi. Qazirge deıin barlyǵy 14 qurama jeńimpaz tuǵyryna kóterildi. Olardyń qatarynda Norvegııa men Reseı 4, KSRO, GDR 3, Frantsııa 2, Vengrııa, ıÝgoslavııa, Danııa, Rýmynııa, Nıderland, Chehoslovakııa, Germanııa, Ońtústik Koreıa, Brazılııa 1 márte altyn medalge ıe boldy.