Gandboldan álem chempıonaty: Qazaqstan áıelder quramasy Ýkraınaǵa ese jiberdi

Búgin gandboldan áıelder arasyndaǵy álem chempıonatynda Qazaqstan quramasy Ýkraınamen kezdesti, dep habarlaıdy Kazınform. 

Qazaqstandyq gandbolshylar G tobynda synǵa tústi. Qarsylastary – Brazılııa, Ispanııa jáne Ýkraına.

Eki qurama júldelerdi sarapqa salýǵa múmkindik alatyn pleı-off satysyna beriletin úshinshi joldamaǵa talasty.

Kezdesýdi ýkraınalyq gandbolshylar belsendi bastady. Nátıjesinde birinshi kezeńde olar 19:12 esebimen jeńdi.

Ekinshi kezeńde de sol qarqynda oıyn kórsetti. Bul kezeńde ýkrınalyq qurama 18:12 esebimen basym tústi.

Eki kezeńniń nátıjesi boıynsha Qazaqstan quramasy qarsylasyna 24:37 esebimen ese jiberdi.

Eske salsaq, budan buryn el quramasy Ispanııadan 17:34, Brazılııadan 16:46 esebimen jeńilip qaldy.

Endi el quramasy 25-32 oryndar úshin saıysqa túsetin quramalardyń qataryna qosyldy.

Qazaqstandyq gandbolshylar álem chempıonatyna jetinshi márte qatysyp otyr. Ázirge eń joǵary kórsetkishi – 2007 jylǵy 18-oryn.

Aıta ketsek, álem chempıonaty 1957 jyldan beri turaqty túrde ótkizilip keledi. Qazirge deıin barlyǵy 14 qurama jeńimpaz tuǵyryna kóterildi. Olardyń qatarynda Norvegııa men Reseı 4, KSRO, GDR 3, Frantsııa 2, Vengrııa, ıÝgoslavııa, Danııa, Rýmynııa, Nıderland, Chehoslovakııa, Germanııa, Ońtústik Koreıa, Brazılııa 1 márte altyn medalge ıe boldy.