Gandboldan álem chempıonaty: Qazaqstan áıelder quramasy Ispanııamen kezdesedi
Búgin gandboldan áıelder quramalary arasyndaǵy álem chempıonaty bastalady. Oǵan Qazaqstan quramasy da qatysady, dep habarlaıdy Kazınform.
Dúbirli doda 29 qarasha men 7 jeltoqsan aralyǵynda Danııa, Norvegııa, Shvetsııa elderinde ótkiziledi.
Qazaqstandyq gandbolshylar G tobynda synǵa túsedi. Qarsylastary – Brazılııa, Ispanııa men Ýkraına.
Búgin, 29 qarashada qazaqstandyq gandbolshylar Ispanııaǵa qarsy ótkizedi. Oıyn elorda ýaqytymen 01:45-te Qazsport telearnasynan tikeleı efırde kórsetiledi.
Qazaqstandyq gandbolshylar álem chempıonatyna jetinshi márte qatysyp otyr. Ázirge eń joǵary kórsetkishi – 2007 jylǵy 18 oryn.
Bıyl el quramasynda Janerke Qýandyqova, Dana Ábilda, Janerke Seıitqasym, Tatıana Davydova, Zlata Zvıagına, Alesıa Malysheva, Alsına Jumabek, Natalıa Polýıanko, Marııa Pýpchenkova, Kamıla Serikbaeva, Krıstına Stepanova, Veronıka Hardına, Marııa Sıtnıkova, Ksenııa Pýpchenkova, Araılym Ábdihamıt, Elena Berenda, Damıra Japarova, Krıstına Radaeva, Arýjan Hamıtova, Darıa Kolesnıchenko, Irına Aleksandrova, ıÝlııa Poılova, Kıra Nemtyreva, Lýıza Hasanova, Mádına Myrzamseıitova, Móldir Táshenova, Nazym Sabyrjanqyzy, Sevara Redjemetova, Tańsholpan Jumádilova, Valentına Sıtnıkova, Jannat Aıtenova oınaıdy.
Sondaı-aq, atalǵan topta búgin Brazılııa men Ýkraına quramalary ózara kezdesedi.
Oǵan qosa S tobynda Norvegııa men Grenlandııa, Ońtústik Koreıa men Avstrııa oınaıdy.
Álem chempıonatyna qatysatyn 32 qurama tórt-tórtten segiz topqa bólingen.
Quramalardyń toptarǵa bólinýi mynadaı:
A toby: Shvetsııa, Horvatııa, Qytaı, Senegal
V toby: Chernogorııa, Vengrııa, Kamerýn, Paragvaı
S toby: Norvegııa, Ońtústik Koreıa, Grenlandııa, Avstrııa.
D toby: Frantsııa, Slovenııa, Angola, Islandııa.
E toby: Danııa, Rýmynııa, Serbııa, Chılı.
F toby: Germanııa, Polsha, Japonııa, Iran.
G toby: Brazılııa, Ispanııa, Ýkraına, Qazaqstan.
H toby: Nıderland, Chehııa, Argentına, Kongo.
Aıta ketsek, álem chempıonaty 1957 jyldan beri turaqty túrde ótkizilip keledi. Qazirge deıin barlyǵy 14 qurama jeńimpaz tuǵyryna kóterildi. Olardyń qatarynda Norvegııa men Reseı 4, KSRO, GDR 3, Frantsııa 2, Vengrııa, ıÝgoslavııa, Danııa, Rýmynııa, Nıderland, Chehoslovakııa, Germanııa, Ońtústik Koreıa, Brazılııa 1 márte altyn medalge ıe boldy.
