Gandbol: Tokıo Olımpıadasyna qatysatyn áıelder quramasy túgeldeı anyqtaldy
NUR-SULTAN. QazAqparat - Gandboldan áıelder quramasy arasyndaǵy Tokıo Olımpıadasyna irikteý satysy aıaqtaldy, dep habarlaıdy QazAqparat tilshisi.
Qazaqstan quramasy synǵa túsetin ekinshi toptaǵy irikteý oıyndary Majarstanda ótti. Qazaqstandyq gandbolshylardyń qarsylastary Majarstan, Reseı jáne Serbııa quramalary boldy. Otandastarymyz barlyq kezdesýde qarsylastaryna jeńildi. Aldymen Vengrııadan 19:46, odan keıin Reseıge 26:33 esebimen jol berdi.
Úshinshi oıynda Serbııamen sheberlik baıqasyp, olarǵa 30:42 esebimen ese jiberdi.
Nátıjesinde ekinshi toptan Majarstan jáne Reseı quramalary Tokıo Olımpıadasyna joldama aldy. Ózge toptarda Ispanııa, Shvetsııa, Chernogorııa, Norvegııa quramalary osyndaı múmkindikke ıe boldy.
Tokıo Olımpıadasynda gandboldan áıelder arasynda barlyǵy 12 qurama synǵa túsedi. Búginge deıin atalǵan týrnırge Japonııa, Frantsııa, Brazılııa, Ońtústik Koreıa, Angola, Nıderlandy quramalary joldama alǵan edi.
Esterińizge sala ketelik, quramamyz 2008 jyly Olımpıada oıyndarynda baq synap, jalpy komandalyq esepte onynshy orynǵa taban tiregen bolatyn.
Aıta keteıik, Qazaqstan Tokıo Olımpıadasyna 100 joldama ıelenýdi josparlap otyr.
