Gandbol: Qazaqstan quramasy Úndistanǵa ese jiberdi
NUR-SULTAN. QazAqparat - Almaty qalasynda ótip jatqan gandboldan jasóspirim qyzdar arasynda Azııa chempıonatynda Qazaqstan quramasy Úndistanǵa ese jiberdi, dep habarlaıdy QazAqparat tilshisi.
Qurlyqtyq dodaǵa barlyǵy bes komanda qatysýda. Olardyń qatarynda Qazaqstannan ózge Úndistan, Iran, Ózbekstan jáne Taıland quramalary bar.
Buǵan deıin Qazaqstan qyzdary Taıland (28:20) jáne Iran (30:24) quramalaryn tize búktirdi. Búgin Úndistanǵa 21:29 esebimen jol berip qoıdy.
Týrnır kestesinde úsh oıynnan keıin Úndistan, Iran jáne Qazaqstan qorjynynda tórt upaıdan bar. Al olardan bir oıyn kem ótkizgen Ózbekstanda eki upaı bolsa, úsh kezdesýde qarsylastaryna ese jibergen Taıland birde-bir upaıǵa qol jetkizgen joq.
Qazaqstan qyzdary buǵan deıin bir márte kúmis (2007 jyl), úsh márte qola (1998, 2011, 2015 jyl) júldeger atandy.
Qurlyqtyq dodada jeńimpaz atanǵan qurama álem chempıonatyna joldama alady.
