Gandbol: Qazaqstan quramasy Azııa chempıonatyndaǵy alǵashqy kezdesýde jeńiske jetti
ASTANA. QazAqparat - Búgin Japonııanyń Kýmamoto qalasynda gandboldan áıelder arasyndaǵy Azııa chempıonaty bastaldy, dep habarlaıdy QazAqparat tilshisi.
QR Ulttyq olımpıada komıtetiniń resmı saıty málim etkendeı, Qazaqstan quramasy toptaǵy alǵashqy kezdesýde jeńiske jetti.
Qazaqstandyq gandbolshylar Avstralııamen ótken kezdesýde 32:24 esebimen qarsylastan basym tústi.
Azııa chempıonatynda bizdiń komanda Japonııa, Avstralııa, Iran jáne Jańa Zelandııamen birge «A» tobyna túsken. Toptyq kezeńdegi ekinshi matchty bizdiń qurama erteń Iranǵa qarsy ótkizedi.
Eske sala keteıik, Qazaqstan qurama komandasy gandboldan eki márte Azııa chempıony atanǵan.
