Gandbol: Qazaqstan áıelder quramasy Olımpıada joldamasyn ala almady
NUR-SULTAN. QazAqparat – Qytaıda gandboldan áıelder arasyndaǵy lıtsenzııalyq Azııa chempıonatynda Qazaqstan quramasy Tokıo olımpıadasynyń joldamasynan tys qaldy, dep habarlaıdy QazAqparat tilshisi.
QR Ulttyq olımpıadalyq komıteti habarlaǵandaı, atalǵan Azııa chempıonatynda 2020 jylǵy Olımpıada oıyndaryna jalǵyz joldama sarapqa salynǵan. Alaıda, Qazaqstan quramasy jarysty tórtinshi orynmen aıaqtap, joldamaǵa qol jetkize almady.
Al Tokıo Olımpıadasyna beriletin jalǵyz joldamany fınalda sharshy alań qojaıyndarynan basym túsip, bas júldege qol jetkizgen Ońtústik Koreıa quramasy ıelendi. Qola medaldi Soltústik Koreıa komandasynyń qanjyǵasyna buıyrdy.
