Gandbol: Qazaqstan álem chempıonynan jeńildi
NUR-SULTAN. QazAqparat - Búgin gandboldan álem chempıonatynyń negizgi satysynda Qazaqstan qyzdar quramasy kezekti oıynyn Nıderlandqa ótkizdi, dep habarlaıdy QazAqparat tilshisi.
Nıderland quramasy budan buryn 2016 jyly Brazılııada ótken Rıo Olımpıadasynda tórtinshi oryn aldy. 2019 jyly álem chempıonatynda altynnan alqa taqty.
Kezdesý barysynda nıderlandtyq quramanyń basymdyǵy baıqalyp turdy. Birinshi kezeńde qazaqstandyq gandbolshylar olarǵa 9:27 esebimen jol berdi.
Ekinshi kezeńde de oıyn jaǵdaıy dál solaı órbidi. Nátıjesinde Qazaqstan qarsylasyna 15:61 esebimen jol berdi.
Eske salsaq, Qazaqstan quramasy irikteý satysynda S tobynda Norvegııa, Rýmynııa jáne Iran quramalarymen synǵa tústi. Norvegııa men Rýmynııaǵa ese jiberip, Iran quramasyn tize búktirdi.
Jarystyń negizgi satysynda budan buryn Shvetsııaǵa jol berdi.
Endi 13 jeltoqsanda Pýerto-Rıkomen sheberlik baıqasady.
Álem chempıonaty 1-19 jeltoqsan aralyǵynda Ispanııanyń Lırııa, Kastelon, Granolers, Torreveha qalalarynda ótkiziledi. Dúbirli dodada barlyǵy 32 qurama baq synaıdy.
