Gandbol: «Qaısar» qyzdary klýbtyń Azııa birinshiliginde chempıon atandy

QYZYLORDA. QazAqparat - Gandboldan qyzdar arasyndaǵy komandalyq Azııa birinshiliginde Qyzylordanyń «Qaısar» komandasy chempıon atandy, dep habarlaıdy QazAqparat tilshisi.

Atalmysh dúbirli dodaǵa Qyzylordanyń «Qaısar», ońtústik astananyń «Almaty», Ózbekstannyń AGMK, Ońtústik Koreıanyń «4.25» sekildi komandalar qatysty. Komandalar eki aınalym boıynsha synǵa tústi. «Qaısar» qyzdary barlyq oıynda ózderin jaqsy qyrynan tanyta bildi. Nátıjesinde atalmysh birinshiliktiń bas júldesine qol jetkizdi.

Aıta keterligi, bıyl qyzylordalyq klýb gandboldan jazǵy spartakıadada chempıon atandy. Sondaı-aq, Qazaqstan birinshiliginde kúmis júldeger atandy.

«Qaısar» endi klýbtar arasyndaǵy álem birinshiliginde el namysyn qorǵaıdy. Ol tamyz aıynyń aıaǵynda Qytaıda ótkiziledi.