Ganada jol apatynan 23 adam mert boldy
AKKRA. ANADOLY - QazAqparat – Gananyń Ashantı provıntsııasynda jolaýshylar avtobýsy júk kóligimen soqtyǵysyp, saldarynan 23 adam mert boldy, 11 adam aýrýhanaǵa jatqyzyldy, dep habarlaıdy QazAqparat Anadoly agenttigine silteme jasap.
Jergilikti BAQ-tyń málimetinshe, jol-kólik oqıǵasy Akra-Kýması tasjolynda boldy.
Jolaýshylar avtobýsynyń júrgizýshisi rýlge ıe bola almaı qalyp, joldyń qarsy betine shyǵyp ketken.
Zardap shekkender aýrýhanaǵa jetkizildi. Olardyń keıbiriniń jaǵdaıy aýyr.
Bılik qaza tapqandar sanynyń artatynyna qaýiptenedi.
