Ganada máıithana jumysshylary jerleý rásimi kezinde múrdeni alyp ketti
ASTANA. QazAqparat - Ganada máıithana jumysshylary jerleý rásimine kelip, tabytta jatqan er adamnyń múrdesin alyp ketti. Sebebi, marqumnyń týystary máıithana qyzmetiniń aqysyn der kezinde tólemegen.
Vıdeoǵa jazylyp qalǵan bul oqıǵa Gana astanasy Akkrada bolǵan. Máıithananyń eki qyzmetkeri jergilikti turǵyndardyń biriniń jerleý rásimine keledi. Aınaladaǵy adamdardyń qarsylyǵyna qaramastan, marqumnyń múrdesin tabyttan shyǵaryp, ózderimen alyp ketti, dep habarlady Daily Mail.
Týystarynyń 150 ganalyq sedı nemese 35 dollar kólemindegi morg qyzmetiniń aqysyn tólemeýi osyndaı adam aıtqysyz jaıtqa sebep boldy.
