Ganada eki avtobýs soqtyǵysyp, kem degende 50 adam qaza tapty
ASTANA. QazAqparat - Gana memleketiniń Kıtampo qalasynda eki jolaýshylar avtobýsy soqtyǵysyp, saldarynan kem degende 50 adam qaza tapty. Bul týraly «Bı-Bı-Sı» habarlady.
Qutqarýshylar soqtyǵysqan kólikterden adamdardy alyp shyǵýdy jalǵastyrýda. Avtobýstardyń árqaısysynda 50-ge jýyq jolaýshy bolǵan. Jol apaty kezinde olardyń biri órtke oranǵan.
«Eki kólikte bolǵan jolaýshylardyń basym deni oqıǵa kezinde qaza boldy. Keıbiri túrli jaraqattarmen aýrýhanaǵa jetkizildi», - dep jazdy agenttik polıtsııa ókiline silteme jasap.
