Ganada eki avtobýs soqtyǵysyp, 16 adam qaza tapty
PRETORIıA. QazAqparat – Juma kúni Gana shyǵysynda eki avtobýstyń soqtyǵysýy saldarynan kem degende 16 adam qaza tapty. Bul týraly QazAqparat MyJoy Online jańalyqtar portalyna silteme jasap habarlaıdy.
Jol apaty Asafo-Akyn qalasynyń janynda, túngi saǵat 1:30 shamasynda bolǵan, saldarynan 16 adam oqıǵa ornynda qaza tapty. Jaraqat alǵandar bar, olar aýrýhanaǵa jetkizildi. Portal oqıǵa ornynda túsirilgen fotosýretterdi jarııalady. Eki avtobýs ta soqqydan qatty zaqymdalǵan.
Aldyn ala málimetter boıynsha, jol-kólik apatyna bir avtobýstyń kúre joldyń qaýipti ýchaskesinde ekinshisin abaılamaı basyp ozýy sebep boldy. Polıtsııa jol-kólik apatynyń sebepteri men mán-jaıyn tergeýge kiristi.
