«Gan Bei» meıramhanasy - Batys pen Shyǵys úılesken janǵa jaıly gavan
ASTANA. QazAqparat - Qupııaǵa toly Shyǵystyń batystyq jaılylyqpen úılesken atmosferasynan lázzat alyp, panazııalyq ashananyń tili dám úıiretin taǵamdaryn qalasańyz, onda elordanyń dál ortasynda ornalasqan «Gan Bei» meıramhanasyna bas suqqanyńyz jón.
Bul meıramhana bir-birine múldem kereǵar eki mádenıetti tamasha úılestire bilgen kópir desek te artyq aıtqandyq emes. As máziri de túrli taǵam túrlerine óte baı. Kelgen meımandarǵa otandyq tabıǵı ónimdermen qatar Taıland, Koreıa, Japonııa jáne Qytaı elderinen jetkizilgen túrli dámdeýishter men teńiz ónimderinen jasalǵan as usynylady.
Panazııalyq ashana - bul Ońtústik-Shyǵys Azııanyń Koreıa, Japonııa, Vetnam, Qytaı, Fılıppın, Úndistan, Malaızııa, Taıland, Sıngapýr syndy birqatar elderiniń kýlınarlyq dástúrleriniń qospasy desek te bolady. Ár túrli taǵam túrleri tipti aldyna kelgen asty talǵap ishetin naǵyz talǵampazdyń ózin tań qaldyra alady.
«Taıaýda ǵana as mázirin keńeıtip, oǵan koreı ashanasynyń túrli taǵamdaryn qostyq. Erekshe taǵamdardyń qatarynda taılyq Tom ıAm sorpasyn atar edim. Munan bólek, koreılik ıÝkedıan, Tvendıan syndy dámdi sorpalarymyz bar. Jalpy as mázirimizde sorpanyń 20-dan astam túrli, kóptegen salattar bar. Kóptegen erekshe dámdeýishter qosylatyn qytaı ashanasynyń taǵam túrleri de as mázirimizde jetkilikti», - dedi meıramhananyń shef-aspazy Anjelına Han.
Onyń aıtýynsha, meıramhana kelgen qonaqtaryna tek qazaqstandyqtar ǵana úshin arnaıy ázirlengen biregeı taǵamdardy da usynady. Máselen, jyly etinen jasalǵan steıkke meımandar tarapynan suranys joǵary.
«Astanalyqtar arasynda etten jasalǵan taǵamdar, máselen, túrli ádilspen daıyndalǵan sıyr eti, qyshqyl-tátti tuzdyqty qýyrylǵan taýyq eti úlken suranysqa ıe», - dedi Anjelına Han.
Meıramhana kelip dám tatatyndardyń qatarynda elordaǵa jumys babymen nemese saıahattap keletin sheteldikterdiń de qatary mol.
Japondyqtardyń grıl-sýshı-bary da erekshe nazar aýdarýǵa turarlyq. Óz isiniń naǵyz sheberi týnets pen aqserke balyǵynan daıyndaǵan sýshı óte dámdi. Sýsyndardyń da alýan túri bar. Túrli kókteılder men eksklıýzıvti lımonad iship, densaýlyqqa paıdalany shaımen shólińizdi qandyrýyńyzǵa da múmkinshilik mol.
Osynaý dızaıny da erekshe birigeı meıramhananyń negizgi zalynan bólek 6 VIP bólmesi, karaoke VIP zaly bar. Jyly kúnderi shaǵyn sarqyramasy men japon baǵy bar 100 adamǵa arnalǵan jazdyq terrasada tamaqtanýyńyzǵa bolady.Kalıan jaqsy kóretinderge de arnaıy jaǵdaı jasalǵan Mýzykany jaqsy kóretin qaýym dál osy jerde kásibı mýzykanttardyń ónerin tamashalaı da alady. Aıta keterligi, seısenbi men senbi kúnderi DJ Ugin keshki saǵat 21-00-den bastap kelgen qonaqtardyń kóńilin kóteredi.
Meıramhana Saraıshyq kóshesi 5g meken-jaıynda, «Lazýrnyı Kvartal» turǵyn úı kesheninde ornalasqan.
