Gambýrgte zardap shekken polıtseıler qatary 200-ge jetti
ASTANA. QazAqparat - Gambýrgte tártipsizdikter kezinde 196 polıtseı zardap shekken. Bul týraly Bı-Bı-Sı agenttigi qalalyq polıtsııaǵa silteme jasaı otyryp habarlaıdy.
«Zardap shekken polıtseılerdiń bizge belgilisi - 196 delingen», polıtsııanyń Týıtterdegi jazbasynda.
Buǵan deıin «Úlken jıyrmalyqtyń» sammıtine baılanysty jahandaný úderisine qarsylardyń uıymdastyrǵan sherýi kezinde 160 polıtseı japa shekti delingen bolatyn. Gambýrg polıtsııasy tártipsizdikter barysynda 83 adam ustalyp, 19 adamnyń qamaýǵa alynǵanyn málim etti. Bastapqy derek boıynsha qarsylyq aktsııasyna bir jarym myńǵa jýyq adam qatysýda.
Tártipsizdikke qatysatyndar kólikterdi órtep, dúken vıtrınalaryn qıratyp, kóshede barrıkadalar turǵyzýda. Ereýilshiler betperde kıip, tártip saqshylaryna tas, petard jáne bótelke laqtyrǵan. Polıtsııa sherýshilerdi kólikke ornatylǵan sý atqylaıtyn nasos kómegimen betin qaıtarýda.
Eske sala ketsek, «úlken jıyrmalyqtyń» sammıti keshe, 7 shildede Gambýrgte bastaldy.
