Gambýrgte Pýtın, Merkel jáne Makronnyń kezdesýi ótip jatyr
ASTANA. QazAqparat - Gambýrgte Atlantic otelinde RF prezıdenti Vladımır Pýtın, GFR kantsleri Angela Merkel jáne Frantsııa prezıdenti Emmanıýel Makronnyń kezdesýi bastaldy, dep habarlady TASS.
RF prezıdentiniń kómekshisi ıÝrıı Ýshakov budan buryn jýrnalısterge Reseı, Frantsııa jáne Germanııa kóshbasshylary eń áýeli Ýkraındyq máseleni retteý taqyrybyn talqylaıtynyn aıtqan. «Normandtyq tórttik» qatysýshylary Ýkraına ókilinsiz úsheýi áńgimelesedi, sebebi bul memleket «jıyrmalyqqa» kirmeıdi jáne G20 aǵymdaǵy sammıtine arnaıy shaqyrtylǵandardyń ishinde joq.
Ýkraına máselesi Gambýrg sammıti aıasynda birinshi ret kóterilip otyrǵan joq. Atap aıtqanda, ol Pýtınniń AQSh Prezıdenti Donald Tramppen kelissózinde de talqylandy. RF ІІM basshysy Sergeı Lavrov jýrnalısterge amerıkalyq tarap Ýkraına boıynsha óziniń arnaıy ókili Kýrt Volkerdi taǵaıyndaıtyny jaıly habarlaǵan. Ol taıaýda Máskeýge kelmek.
Lavrovtyń aıtýynsha, «Baılanystyq topta jáne «normandtyq formatta» aıtylǵan áleýetke súıene otyryp», Mınsk ýaǵdalastyǵy negizinde retteýdi jyljytý úshin «RF ókili men AQSh ókili arasynda arna qurý boljandy».
