Gambýrgte musylmandarǵa eskertkish qoıyldy
ASTANA. 27 jeltoqsan. QazAqparat - Germanııanyń Gambýrg qalasynda neonatsızmniń qurbany bolǵan bozdaqtarǵa eskirtkish qoıyldy. Yeni Şafak gazeti habarlaǵandaı, eńseli eskertkish neonatsıstik andegraýnd dep atalatyn top músheleriniń qolynan qaza tapqan 10 adamnyń qurmetine qoıylǵan.
muslim.kz saıtynyń jazýynsha, Qaza tapqandardyń segizi Túrkııadan qonys aýdarǵan musylmandar bolatyn. Granıtten qashalǵan, bıiktigi 70 sm-lik eskertkish Shýttsen kóshesindegi №39 úı mańyndaǵy jemis-jıdek dúkeniniń aldyna qoıyldy. Sol mańda osy dúkenniń ıesi Súleımen Tashkoprıýdi 2011 jyly neonatsıster aıaýsyz azaptap óltirgen bolatyn.
Granıtte Túrkııadan qonys aýdaryp, neonatsısterdiń qolynan qaza tapqan ózgelerdiń de esimi qashalyp jazylǵan. Olardyń bári Eýropa qoǵamyna «tastaı batyp, sýdaı sińgen» Germanııa qalalarynyń turǵyndary. Sondaı-aq, eskertkishten túrik mıgranttaryn qylmys kezinde qorǵaımyn dep qaza tapqan nemis tártip saqshysy Mıshel Kaızevetterdiń de aty-jónin keziktirýge bolady. Nemis qoǵamy násildik kemsitýshilikke qarsy ekenin osyndaı izgi amalymen dáleldedi, dep jazady umma.ua.
