Gambýrgta Ebola indetine qarsy vaktsınany synaý bastaldy
ASTANA. QazAqparat - Gambýrg ýnıversıtetiniń aýrýhanasynda Ebola bezgegi indetine qarsy vaktsınany synaý jumystary qolǵa alyndy. Ýnıversıtettiń jazbasha habarlamasynda klınıkalyq zertteýdiń birinshi kezeńi bastalǵany týraly aıtylǵan, dep jazady sheteldik BAQ.
Dúnıejúzilik densaýlyq saqtaý uıymy usynǵan vaktsına 30 erikti adamǵa synalady, dep habarlaıdy Mignews.
Qoǵamdyq densaýlyq saqtaý bóliminiń sarapshysy Martın Frıde BUU-nyń Jenevadaǵy keńsesinde ótken baspasóz máslıhatynda jýrnalısterge aǵzany dári tamyzǵysh, sondaı-aq sýdy jutý arqyly gıdratatsııalaý Ebola indetin emdeýge kómektesetinin málimdedi.
