Gambýrg týrnıri: Jibek Qulambaeva irikteý saıysynyń fınalyna shyqty

ORAL. KAZINFORM – Qazaqstandyq tennısshi, álemniń 306-raketkasy Jibek Qulambaeva Gambýrg (Germanııa) WTA 250  týrnıriniń irikteý saıysynda bastapqy oıynynda jeńiske qol jetkizdi. 

Іrikteýde 10-raketka bolyp tirkelgen J.Qulambaeva reıtıngide 445-orynda turǵan germanııalyq Mına Hodjıchpen kezdesti.

Birinshi partııada Jibek 6:4 esebimen basymdylyq tanytty. Ekinshi sette 2:5 esebimen jeńilip jatyp, qatarynan bes geımdi óz esebine jazdy – 7:5.

Bir saǵat 46 mınýtqa sozylǵan tartysty matchta Qulambaeva 13 breık-poınttyń jeteýin paıdalandy. Hodjıch 1 eıs, 5 breıkpen (8 breık-poınt) kózge tústi.

Jibek Qulambaeva irikteý saıysynda, reseılik tennısshi, álemniń 277-raketkasy Marııa Tımofeevamen negizgi jarys joldamasyn sarapqa salady.

Eske sala keteıik, budan buryn tennısten Ýımbldon týrnıriniń fınalynda sırek nátıje tirkelgenin jazǵan edik.