Galysheva Japonııada ótetin Azııa oıyndaryna qatyspaıdy
ASTANA. QazAqparat - Galysheva Japonııada ótetin Azııa oıyndaryna qatyspaıdy. Bul týraly frıstaıldan Qazaqstan quramasynyń bapkeri Elena Krýglyhına aıtty, dep jazady kaz.vesti.kz.
Mogýl saıysynda Almatyda ótip jatqan 28-shi qysqy Ýnıversıadanyń jeńimpazy ıÝlııa Galysheva Japonııanyń Sapporo qalasynda ótetin qysqy Azııa oıyndaryna qatyspaıtyn boldy. Bul týraly frıstaıldan Qazaqstan quramasynyń bas bapkeri Elena Krýglyhına aıtty.
"Ýnıversıadaǵa qatysqan barlyq shákirtterime kóńilim tolady. Trassa óte qıyn boldy. Biraq bul ıÝlııa úshin kedergi bolǵan joq. Bıyl biz úshin Olımpıada oıyndarynyń lıtsenzııasyn jınaıtyn jyl. Basty maqsatymyz - álem chempıonatynda jaqsy óner kórsetý. Sondyqtan da ıÝlııa Galyshevany Azııa oıyndaryna jibermeımiz dep sheshtik. Esesine, onyń ornyna Aıaýlym Ármenova barady. Bul óte talantty qyz. Jýyrda ǵana Eýropa kýbogynde eki ret jeńiske jetti. Al erlerlerden Qazaqstan namysyn Dmıtrıı Reıherd pen Dmıtrıı Barnashov qorǵaıtyn bolady", - deıdi bapker.
Aıta keteıik, 2017 jylǵy qysqy Azııa oıyndary Japonııanyń Sapporo qalasynda 19 jáne 26 aqpan aralyǵynda ótedi.
